Si vulevi anda al cine, tè cianciavi
la dumennica al giorn, dop magnat;
ma prima ben b.nin tè t’infurmavi
si ‘l film era p.rmess o era vietat.

Vuleva dì ch te nun t’azardavi
d’anda al cine acusì tutt sfaciat.
‘N-t’l cart.lon in Chiesa tè guardavi,
ch mali tutti i film c’era s.gnat.

T’ diceva quant’anni avei d’ave
p.r ved ch.la p.licula malì.
Si era adatt p.r tè l’ pudei v.dé

sidonca gnent; facevi a men d.l cine
e senza sbruntulà, quel manch a dì,
p.rché alora…p.r tè era la ‘fine’…
di Renata Sellani